Kiyès nou ye?

Kreye an janvye 2020, ValoEdika se yon platfòm ki pa la pou li fè profi. Nou pibliye sou sijè sosyokiltirèl ki afekte nou chak jou. Inisyativ sa a se travay yon gwoup volontè ak pwofesyonèl ki sòti nan plizyè ki me te li sou pye. Òganizasyon an gen pou objektif pou bay kontni an fransè, anglè, panyòl, e sitou an kreyòl pou ranpli vid ki genyen nan materyèl ekri nan lang sa a.

Platfòm ValoEdika a bay zouti ki fè pwomosyon pataj konesans, aprantisaj nouvo konpetans, ak dyalòg sou kesyon enpòtan ki afekte lavi nou chak jou. Nou pale de sikoloji, kilti, literati, nouvo teknoloji, agrikilti, elatriye. Nou envite ou tou pou w kontribye nan evolisyon platfòm nan.

Ki kote lide platfòm ValoEdika a soti?

Fransè, anglè ak panyòl fè pati entegral sistèm edikasyon nou an Ayiti. Sepandan, lang ki pi pale nan lari yo e menm nan lekòl yo se kreyòl. Lang prensipal nan lekòl ak enstitisyon yo jwe yon wòl enpòtan nan devlopman yon pèp. Lang yon pèp se eleman esansyèl pou fè favorize devlopman ni nan nivo endividyèl ni nan nivo kolektiv nan tout esfè santifik yo.

Gras ak ValoEdika, pataj konesans pral vin yon avantaj enpòtan pou tout kominote ayisyen an atravè lemond..

Nan lide pou nou kapab pote yon solisyon ak problèm ke lang kreyòl lan rankantre, fondatè Valoedika pran inisyativ devlope yo yon diksyonè kreyòl avèk supò Evens Polidor. Aprè sa, nan kòmansman ane 2021 an, avèk supò Hansy David Polidor, nou mete seksyon atik lan sou pye. Ebyen, depi yon bon ti tan nou entegre seksyon atik sa a ak ValoEdika.

Ki swè nou genyen pou avansman ValoEdika?

Nou swete ofri plis bon zouti pou kominote ayisyen an ki an Ayiti ak aletranje kapab ini yo ansanm pou pote bon nouvo solisyon dirab pou rezoud pwoblèm ke nou tout rankontre nan pataj enfòmasyon entèktyèl. Nou ap kontinye envesti nan devlopman platfòm lan pou nou kapab fè li aksesib pou tout moun.